ബെംഗളൂരു: കർണാടകയുടെ മുഖ്യമന്ത്രി സ്ഥാനം ബി.എസ് യെദിയൂരപ്പ ഒഴിയുമോ എന്ന ചോദ്യത്തിന് പാർട്ടി കേന്ദ്ര കടകത്തിന്റെ തീരുമാനം അറിയാൻ ഇനി മണിക്കൂറുകൾ മാത്രം. അതേസമയം യെദിയൂരപ്പയെ അനുകൂലിക്കുന്ന ലിംഗായത്ത് മതക്കാർ വൻ പ്രതിഷേധവുമായി രംഗത്തെത്തി. ഇന്ന് രാവിലെ 10.30 ന് പാലസ് ഗ്രൗണ്ടിൽ പ്രതിഷേധ സമ്മേളനം ചേരും. ആയിരത്തോളം ലിംഗായത്ത് സ്വാമിമാർ ആണ് ഇന്നത്തെ പ്രതിഷേധ സമ്മേളനത്തിൽ പങ്കെടുക്കുന്നത്.
എന്നാൽ ഈ സമ്മേളനം ഒഴിവാക്കാൻ പാർട്ടി നേതൃത്വം ആവശ്യപ്പെട്ടു. യെദിയൂരപ്പയെ അനുകൂലിക്കുന്നവരും ഈ സമ്മേളനം ഒഴിവാക്കാൻ ആവശ്യപ്പെട്ടിട്ടതായി സൂചനയുണ്ട്. യെദിയൂരപ്പ രാജിവെക്കാൻ സാധ്യത ഉണ്ടെന്ന വാർത്ത വന്നതോടെ ലിംഗായത്ത് സമുതായ നേതാക്കൾ പിന്തുണയുമായി രംഗത്ത് വന്നിരുന്നു. ഇതിൽ പാർട്ടി നേതൃത്ത്വം അതൃപ്തി അറിയിച്ചതോടെ യെദിയൂരപ്പയുടെ ഇളയ മകൻ ബി.വൈ വിജയേന്ദ്ര ഡൽഹിയിൽ എത്തി പാർട്ടി അധ്യക്ഷൻ ജെ.പി നഡ്ഡയെ നേരിൽ കണ്ട് ഇത് യെദിയൂരപ്പയുടെ അറിവോടോ സമ്മതത്തോടോ അല്ല എന്ന് വിശദീകരണം നൽകി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button. [masterslider id="10"]
